பிறந்த மண்.

*ந.க.துறைவன் ஹைக்கூ கவிதைகள்

*

இருட்டில் பாதை தெரியவில்லை

டார்ச் அடித்து வரும்

மின்மினிப் பூச்சிகள்.

*

கடலை உருண்டை காட்பரீஸ்

இனிப்பிலும்

வர்க்க பேதம்.

*

கண்ணாடி நீருக்குள்

விடுதலைக்குப் போராடும்

பொன்னிற மீன்கள்.

*

அழகான வீடு கட்டிய பின்

அடிவயிற்றைக் கலக்கியது

வாங்கிய கடன்.

*

வீதியில் முடவன் வரைந்த

ஏசு ஓவியம் நெஞ்சின் மீது

நிறையச் சில்லறைகள்.

*

என்ன தவறு செய்ததற்காக

இநத தணடணை? மரக் கிளையில்

தலைகீழாய் வௌவால்

*

இறந்தநாள் இருபதாம் தேதி

சம்பளம் வா.ங்க சந்தோஷமாய்

உயிர்த் தெழுந்தான் முதல் தேதி.

*

உன்வாழ்விற்கு ஓளி விளக்கேற்று

பிறந்த நாள் விழாவில் ஏன்?

இருட்டாக்க அணைக்கிறாய் மெழுகுவர்த்தி.

*

வன்முறைக்கும்

மூன்று காந்திகள் பலி

அகிம்சை நெறி பிறந்த மண்.

*

கண்ணாடிக் கூண்டில் நின்று

கொடியேற்றிப் பேசினார் பிரதமர்

சுதந்திரத் தின விழா.