பலாச் சுளை

ந.க.துறைவன் ஹைக்கூ கவிதைகள்

*

பயணக் களைப்பு கவலை

நிழலில் உட்கார்ந்தான் சோம்பி

அனுதாபப்பட்டது மரம்.

*

வயல்வெளியில் ஓரே சத்தம்

மழை பெய்த இரவு

தூங்கவில்லை தவளைகள்.

.

*

மனிதர் எவரும் காணவில்லை

பாறையின் மேல் இருக்கிறது.

கம்பளித் துப்பட்டா.

*

மெல்ல விசிறிக் கொண்டிருந்தான்

ஈக்கள் மொய்க்கா திருக்கப்

பலாச் சுளை விற்பவன்.

*

திருமண விருந்தில்

தீடீரென மின் தடை

ஓளி சிந்தும் செல்போன்கள்.

*