நறுமணம்

நறுமணம் ஈசனின் கீழ் நோக்கு பார்வை சக்தி சிரித்தாள் அறையில் காமச் சாம்பிராணி புகை. * லிங்கம் வணங்கி எழுந்தாள் சிவன் விழித்தான் நாரதன் குரல் வெளியில்... ந க துறைவன்.

பிறை

பிறை வயல் காட்டில் வாழ்ந்தார் வைரமாய் உடல் வளர்ந்தார் ஆயிரம் பிறை கண்ட தாத்தா. ந க துறைவன்.

கட்டைவிரல்

துரோணர் இறுதி மூச்சு
நாசியைத் தொட்டு விலகுகிறது
ஏகலைவன் கட்டைவிரல்.

ந க துறைவன்.

பிரச்சினைகள்

பலூன்களாய் வெடிக்கின்றன
சில பிரச்சினைகள்
சில நேரங்களில்
சில மனிதர்களால்
எதிர்ப்பாராமல்...

ந க துறைவன்

இசை

இசை இசையின் அதிர்வலைகள் உணர்கின்றன மௌனமாய் என்னை அறியாத ஆன்மா. + ஆற்று நீரின் இசை மீன்கள் ரசிகர்கள் கூட்டம் கூழாங்கற்கள் ஆழ்ந்த தியானம். ந க துறைவன்.

குளம்

மஞ்சள் வெயில் உக்கிரம்
கடந்து செல்கிறது மேற்கே
விகசித்து ஒரு ஒற்றை பறவை.

பாழடைந்த குளம்
காய்ந்து வறண்டிருக்கிறது
மேலே இறந்த தவளை தோல்கள்.

ந க துறைவன்.

பித்தன்

பித்தன் சித்தி அடைந்தான்

அது இப்பொழுது பக்தர்கள்

வழிபடும் சித்தர் சமாதி.

ந க துறைவன்.