வாசிப்பு...!! [ iஹைக்கூ ]

*

NA.GA. THURAIVAN'S HAIKU.

*

ஆழ்ந்தப் புத்தக வாசிப்பு

வரிகளின் வசீகரிப்பு

இடையிடையே புன்சிரிப்பு.

*

பெண்ணின் கண்ணீராய்

சொட்டிக் கொண்டிருந்தது

தெருக் குழாய்.

*

கைக் கூடி வந்த பின்

எதையோ செய்யத் தூண்டுகிறது

ஏதோவொரு அதீத நினைப்பு.

- ந.க. துறைவன் ஹைக்கூக்கள்.

*

காற்று...!! [ ஹைக்கூ ]

*

NA.GA. THURAIVAN'S HAIKU.

*

தரையில் சும்மாயிருக்கும்

சருகு இலைகளை சலசலவென

சிரிக்க வைக்கின்றன காற்று.

*

குரங்குகளின் விளையாட்டை

வேடிக்கைப் பார்த்து

பங்கெடுக்கின்றன அணில்கள்.

- ந.க. துறைவன் ஹைக்கூக்கள்.

*

பறத்தல்...!! [ ஹைக்கூ ]

*

NA.GA. THURAIVAN'S HAIKU. 

*

நினைவுகளிலிருந்து எழுகிறது

அவ்வப்பொழுது மறக்காமல்

மறக்க நினைத்தச் சம்பவம்.

*

இடுப்பிலிருந்தக் குழந்தை

கீழே இறங்கியோடியது

பறந்து விட்டது சிட்டுக்குருவி.

*

பார்க்காமலிருக்க முடியாது?

பார்த்தாலும் யாருக்கும் தெரியாது?

விண்ணில் கிரகங்கள்.

*

வில்...!! [ ஹைக்கூ ]

*

NA.GA. THURAIVAN'S HAIKU.

*

இலையும் தெரியவில்லை

கிளியும் தெரியவில்லை

பாய்ந்தது அர்ச்சுனன் வில்.

ந.க. துறைவன் ஹைக்கூ.

*

பதிவுகள்...!! [ சென்ரியு ]

*

NA.GA THURAIVAN'S SENRYU..

*

வலிமையான நட்புடன்

இரகசியங்கள் பாதுகாத்தார்கள்

உயிர்த் தோழிகள்.

*

மரணம் வரைக்கும் அழியாதது

நட்பின் தொடர்ச்சி

நினைவு அடுக்கின் பதிவுகள்.

ந.க. துறைவன் சென்ரியு.

*

நட்புடன்....!! [ சென்ரியு ]

*

NA.GA. THURAIVAN'S SENRYU.

*

அறிமுகம் இல்லாதவரை

அறிமுகப் படுத்தினார்

அறிமுகமான நண்பர்.

*

பால்ய சினேகிதனிடம்

மனம் திறந்து சொன்னான்

மனசை அழுத்தும் பிரச்சினைகள்

*

துன்பத்தில் ஆறுதல்

இன்பத்தில் மகிழ்ச்சி

பகிர்ந்துக் கொண்டனர் நண்பர்கள்.

*

வலிமையான நட்புடன்

இரகசியங்கள் பாதுகாத்தார்கள்

உயிர்த் தோழிகள்.

*

மரணம் வரைக்கும் அழியாதது

நட்பின் தொடர்ச்சி

நினைவு அடுக்கின் பதிவுகள்.

*

விழிப்பு...!! [ ஹைக்கூ ]

*
NA.GA. THURAIVAN'S HAIKU.
*

தாயைப் பார்த்ததும்
நொடிகளில் மறைந்தது
குழந்தையின் துக்கம்.
*
பறவைகள் குரல் கேட்டு
விழித்துக் கொண்டன
மரங்கள். 
*

பாசமாய்...!! [ சென்ரியு ]

*

NA.GA. THURAIVAN'S SENRYU.

*

அப்பாவை விரும்புகிறாள் மகள்

அம்மாவை வெறுக்கிறான் மகன்

ஆதிக்கம் செய்கிறது உளவியல்.

*

எட்ட நின்று  பார்க்கும் குழந்தை

அம்மாவின் மடியில்

வளர்ப்புப் பூனை.

*

கணவனின் கோபத் தெரிப்பு

மனைவி அழுகிறாள்

அருகில் சிரிக்கிறது குழந்தை.

*

அடிக்க வரும் அம்மாவை

வெறுப்பேற்றுகிறான்

குறும்புக்காரப் பாச மகன்.

*

பெண்ணின் துயர மனமாய்

காற்றில் பறந்துக் காய்கிறது

கொடியில் துணிகள்.

வாத்துக்கள்...!! [ சென்ரியு ]

*

NA.GA. THURAIVAN'S SENRYU.

*

மருத்துவ பயிற்சி முகாமுக்கு சென்று

இலவச பரிசோதனைச் செய்துக் கொண்டன

வயது முதிர்ந்த வாத்துக்கள்.

*

வீடு காலி செய்தபோது

கிடைத்தது பாட்டியின்

பாக்கு இடிக்கும் உரல்.

*

போக்குவரத்து மாற்றம்

திணறி தவிக்கின்றன

தெரு மாடுகள்.

ந.க. துறைவன் சென்ரியுகள்.

*

மழைநாள்...!! [ ஹைக்கூ ]

*

NA.GA THURAIVAN'S HAIKU.

*

மழையில் நனைந்து ஈரமாய்

சன்னலோரம் ஓதுங்கியது

சிட்டுக் குருவிகள்.

*

இன்றும் நினைவிலிருக்கிறது

இருவரும் தொப்பலாய் நனைந்த

அந்த மழை நாள்.

*

எங்கும் ஒரே மாதிரியாய்

பெய்வது ஒய்வதில்லை

பருவ மழை.

*

ஞானம்...!! [லிமரைக்கூ ]

*

NA.GA. THURAIVAN'S LIMARAIKU.

*

மூதாதையர்க்குத் தெரிந்தது மண்கலம்

இளந் தலைமுறைக்குத் தெரிந்தது

விஞ்ஞானச் சாதனம் விண்கலம்.

*

வீதியில் ஒரே பரபரப்பு

சாதிக் கலவரம் சூழ்ந்த நகரம்

பீதியில் கடையடைப்பு.

*

மனிதருக்குப் பிடித்தது மதுபானம்

போதையிலே பிறந்தது சிலருக்கு

கவிதை மெய் ஞானம்.

- ந.க.துறைவன் லிமரைக்கூ கவிதைகள்

*

முன்னேற்றம்...!! [ சென்ரியு ]

*

NA.GA. THURAIVAN'S SENRYU.

*

கழுதைக்கு கல்யாணம் செய்கிறார்கள்

நாய்க்கு கல்யாணம் செய்கிறார்கள்

முற்போக்காக சிந்திக்கிறார்கள் மனிதர்கள்.

*

எந்த வேலையும் உருப்படியாகச் செய்யாமல்

அலைந்து அலைந்து எங்கும்

நிற்காமல் ஒடுகிறது நாய்கள்.

 *

வெளியில் போய் வரவே பயம்

அஞ்சுகிறான் மனிதன்

பாதுகாப்பாக இருக்கிறது நாய்கள்.

*

எப்பொழுது நடந்ததோ தெரியவில்லை

சம்பவம் யாரும் பார்க்கவி்ல்லை

பாதையில் நசுங்கிக் கிடந்தது நாய்.

*

மனிதர்கள் சைகையில் காட்டுகிறார்கள்

வாலையாட்டிக் காட்டுகின்றது நாய்கள்

அன்புடன் நன்றி.

*

மகிழ...!! [ ஹைக்கூ ]

*

NA.GA. THURAIVAN'S HAIKU.

*

வறண்ட நெல்வயல்கள் எங்கும்

குட்டைகள் இல்லை

தவளைகள் குதித்து மகிழ…!1

நிஜம்...!! [ சென்ரியு ]

NA.GA. THURAIVAN'S SENRYU,

*

வாழைப்பழத்தில்

நாற்று நட்டார்கள்

மணக்கும் ஊதுபத்திகள்.

*

சுற்றுச் சூழல் மாநாட்டில்

வாழ்உரிமைக்களுக்கான

கழுகுகளின் ஆவேச உரை

*

நிஜத்தைச் சொன்னான் நம்பவில்லை

பொய்யைச் சொன்னான்

எல்லோரும் பாராட்டினார்கள்.

*

எங்கோ வெறுப்போடுப் போனான்?

என்ன நடந்ததோ தெரியவில்லை

மகிழ்ச்சியோடு திரும்பினான் ஊர்.

*

ஆசையோடு கடைக்குப் போனார்கள்

கடைகள் மூடியிருந்தது திடீரெனக்

குழந்தைக்களுக்கு பெருத்த ஏமாற்றம்.

*

மிரட்டல்...!! [ ஹைக்கூ ]

*

NA.GA. THURAIVAN'S HAIKU.

*

நிமிர்ந்து துணிந்து வாழும்

புல்லின் வாழ்க்கைக்கு

வியாக்கியானம் தேவையா?

*

இறப்புக் காலம் வரை

நினைவில் நிற்கின்றது

பிறந்த ஊரின் நினைவு.

*

இளமையை நினைவூட்டுகிறது

விளையாடிக் களித்தக்

கிராமத்தின் மாந்தோப்பு.

*

எப்பொழுதும் கேலி செய்வாள்?

தூக்கி மடியில் வைத்து

கொஞ்சி வளர்த்தப் பாட்டி.

*

பழம் பொறுக்கப் போனால்

மிரட்டி விரட்டுவார்கள்

நாகமரத்தில் முனீஸ்வரன்.

*

நம்பிக்கை...!! [ ஹைக்கூ ]

*

NA.GA. THURAIVAN'S HAIKU.

*

அரசமரத்தடியின் கீழ்

வரிசையாகயிருக்கின்றன

எண்ணெய்யில்லாத அகல்விளக்குகள்

*

ஏதோவொரு நம்பிக்கையில்

தினமும் நடந்தேறுகிறது

நம்பிக்கை இழந்தவன் வாழ்க்கை.

*

தேடுகின்றவனுக்கு கிடைக்கவில்லை

தேடாமல் நினைத்திருப்பவனுக்கு

தேடாமல் கிடைக்கிறது மெஞ்ஞானம்.

*   

வெளியேற்றம்....!! [ ஹைக்கூ ]

*

NA. GA. THURAIVAN'S HAIKU. 

*

பகையுணர்ச்சி நெஞ்சில்

எப்படி புகுந்தது?

மாம்பழத்தின் உள்ளே வண்டு.

*

கிராமத்துப் பெண்களின்

சிறுத்த இடையில்

நீரில்லாத காலிக் குடம்.

*

காட்டில் வாழப் பிடிக்காமல்

வெளியேறி ஊருக்குள்

புகுந்து விட்டன சிறுத்தைகள்

*