உறவு

*

உறவு { ஹைபுன் / HAIBUN }.

*

வீடு, பூட்டியிருந்தது. “ எங்கே போயிருக்கிறார்கள் ” என்று பக்கத்து வீட்டுக்காரரிடம் விசாரித்தரார். “ தெரியலேயே சார், எங்கே போறேன்னு யாரிடம் சொல்லிட்டுப் போறாங்க ” என்று கொஞ்சம் கடுப்பாகவே பதில் சொன்னார். அவருக்கு உடம்பெல்லாம் வியர்த்துக் கொட்டியது. ‘ நன்றி சார் ‘ என்று சொல்லிவிட்டு நகர்ந்தவர், பக்கத்திலிருந்த மரத்தடியின் அடியில் ஒதுங்கி நின்றார்.

*

பக்கத்து வீட்டுக்காரன் பகை

எதிர் வீட்டுக்காரன் நண்பன்

உறவுக்கு கைகொடுக்கிறது மரங்கள்.

*  

அறிமுகம்

*

ஐக்கூ மின் இதழ் அறிமுகம்.

*

“ கவிச் சூரியன் ” – ஐக்கூ மின் இதழ்

மே – 16-31 – 2014.

*

இவ்விதழில், சர்வ தேச தினங்களான

1. உலகப் புகையிலை எதிர்ப்பு தினம்.

2. உலகத் தொலைத்தொடர்பு தினம்.

3. உலகத் தொழுநோயாளர் தினம்.

4. வன்முறை எதிர்ப்பு தினம்.

*

ஆகியவற்றைச் சார்ந்த ஐக்கூ கவிதைகள், கவிஞர்களின் கண்ணோட்டத்தில் மிகத் தெளிவாகப் பதிவாகியுள்ளது. அரசியல் மாற்றத்தினை வரவேற்று, தனது கருத்தினை நம்பிக்கையோடு முன் வைத்துள்ளார் ஆசிரியர்.

கவிவேந்தர். வேழவேந்தன், நூல் அறிமுகம், சுவடுகள், எண்ணக்கதிர்கள் பகுதிகள் சிறப்பாகவிருக்கின்றன. “ கவிச் சூரியன் ” –16-31- மே- 2014 ஐக்கூ மின் இதழ் தயாரிப்புப் பணி மிக மிக நேர்த்தியிருப்பது பாராட்டுக்குரியதாகும்.  

*

பாராட்டுக்கள்… வாழ்த்துக்கள்.. 

*

நன்றியுடன்,

ந.க. துறைவன், வேலூர் – 632 009.

செல் : 9442234822 / 8903905822.

*

பூமி

*

பூமியே அழகு தானே….

*

பெருக்கி பெருக்கி சுத்தப் படுத்தினாலும்

பூக்களை உதிர்க்கிறது பவழமல்லி மரங்கள்.

*

சருகு இலையைக் கொண்டு வந்து

சேர்த்து விட்டுப் போகிறது காற்று.

*

பாதையில் போகும் மனிதர்கள்

மனம் நிறையக் குப்பைகள்.

-

ஞானம்

மூதாதையர்க்குத் தெரிந்தது மண்கலம்

இளந் தலைமுறைக்குத் தெரிந்தது

விஞ்ஞானச் சாதனம் விண்கலம்.

*

வீதியில் ஒரே பரபரப்பு

சாதிக் கலவரம் சூழ்ந்த நகரம்

பீதியில் கடையடைப்பு.

*

மனிதருக்குப் பிடித்தது மதுபானம்

போதையிலே பிறந்தது சிலருக்கு

கவிதை மெய் ஞானம்.

- ந.க.துறைவன் லிமரைக்கூ கவிதைகள்

*

வாசிப்பு

ஆழ்ந்தப் புத்தக வாசிப்பு

வரிகளின் வசீகரிப்பு

இடையிடையே புன்சிரிப்பு.

*

பெண்ணின் கண்ணீராய்

சொட்டிக் கொண்டிருந்தது

தெருக் குழாய்.

*

கைக் கூடி வந்த பின்

எதையோ செய்யத் தூண்டுகிறது

ஏதோவொரு அதீத நினைப்பு.

- ந.க. துறைவன் ஹைக்கூக்கள்.

*

ஒட்டச்சிவிங்கிகள்

ஒட்டகச்சிவிங்கிகள்….!!

*

தொலைவில் வருகின்றன

கூட்டமாய் ஒட்டகச்சிவிங்கிகள்

ஈச்சமரங்களுக்கு அச்சம்.

*

வெளியே முள் உள்ளே பழம்

ஆசையோடு வாங்குகிறார்கள்

அன்னாசிப் பழம்

*

வயோதிகம் பற்றி அறியுமோ?

ஆயிரங்காலமாய் வளர்ந்து நிற்கும்

கற்பக விருட்சங்கள்.

*

மனம்

N.G. THURAIVAN'S HAIKU. 

பார்வை எதிலோ லயித்திருந்தது

எதையோ நினைக்கிறது மனம்

சுடர்விடும் சிந்தனையில் சூரியன்.

*

எதிர்ப் பார்ப்பவர்களுக்கு ஏமாற்றம்

ஏமாந்தவர்களுக்கு பதற்றம்

சலசலத்து ஒடுகிறது ஆற்றுநீர்.

*

இன்னும் எவரொருவராலும்

முழுமையாக எழுதப்படவில்லை

எந்தக் கேள்விக்குமான பதில்.

*