பகிர்வு...!! [ சென்ரியு ]

*

இலக்கியப் பேச்சு செவிக்குணவு

மனத் தெம்புிற்கு உணவு

நண்பருடன் தேனீர் பகிர்வு

*

பிரபஞ்சம்...!! [ ஹைக்கூ ]

*

மறைப்பதற்கு ஏதுமில்லை

நிர்வாணமாய் இருக்கிறது

இயங்கும் பிரபஞ்சம்.

*

துயரம்...!! [ சென்ரியு ]

*

பறவைகள் அறிகின்றன

வெட்டப்படும்

மரங்களின் துயரம்.

*

எங்கே போயின?

சத்தமிடும் தவளைகள்

நீரில்லாதக் குளம்.

*

பொழுதடைந்த நேரம்

கூடு திரும்பின பறவைகள்

மழையில் நனைந்து…!

*

காதல்...!! [ சென்ரியு ]

*

உணர்வுகளை வெல்கிறது

மொழிகளைக் கடக்கிறது

உன்னதமான காதல்.

*

உயிர்மையத்தின் உண்மைத் தெளிய

இயற்கைக் கற்றுக் கொடுத்தப்

பேரின்ப விளையாட்டு காதல்.

*

இரத்தக்கறைப் படிந்திருக்கிறது

கல்லறையில் உறங்குகின்றது

வரலாறு படைத்தக் காதல்

*

விருந்து...!! [ ஹைக்கூ ]

*

சுற்றுச் சூழல் மாசு

தோல்கழிவு நீரில் மூழ்கி

கூலித் தொழிலாளர்கள் பலி.

*

வாழையிலையில்

விருந்து சாப்பிட்டன

தெரு நாய்கள்.

*

வாழ்த்துக்கள்....!!

உலக மக்கள் அனைவருக்கும்

“ உலகத் தாய்மொழி நாள் ”

நல்வாழ்த்துக்கள்.

*                                  

பூனை...!! [ சென்ரியு ]

*

காலடிச் சத்தம் கேட்டு

குறுக்கே பதறியோடியது

இருட்டில் இருந்தப் பூனை.

*