கிறுக்கல்கள்

கவியருவி ம.இரமே’ஷ் சென்ரியு கவிதைகள்

*

குழந்தையின் கிறுக்கல்கள்

புரியாமல் வியக்கும்

குப்பை கிளறும் கோழி.

*

எச்சில் இலை எடுக்க

தடுத்து நிறுத்தப்பட்டது

அவர்களுக்கும் ஒரு பந்தி.

செய்தி வந்ததும்

தொலைக்காட்சி அணைப்பு

சமையல் நேரம்.

*

நதிக் கரையில்

சந்தித்துக் கொண்டன                                        

நீர்த் தேடி வந்த கொக்குகள்

*

கண்ணைப் பார்த்துப் பேசு

சாத்திய மில்லை

எப்போதும் காதலர்க்கு

*

ஆதாரம்:- கவியருவி ம.இரமேஷ்-சின்

“ஓராயிரம் சென்ரியு-என்ற தொகுப்பிலிருந்து.