ஞான மொழி

*திரு.நா.விச்வநாதன் ஹைக்கூ கவிதைகள்

*

என்ன பனி

பேச ஆளில்லை

காத்திருக்கும் புத்தஞானம்.

*

பரதேசி நடைப் பயணம்

எல்லாம் விட்ட பின்னும்

இருக்கிறது புத்தன் சாயல்.

*

தனிமை பற்றிக்

கேட்டுப் பயனில்லை

புத்தன் கூர்விழி.

*

சாய்ந்து விழப் பேரச்சம்

வான் தாங்கும் கொஞ்சம்                   

மீதி செங்கடலில்.

*

தாத்தாவின் கைத்தடி

பயணக் கதை கூற

கோழை நின் காலடிகள்.

*

தீவிரப் போர்

மனித முகங்களையே

கூர்ந்துப் பார்க்கும் புல்.

நன்றி:-மின்மினி-ஹைக்கூ இதழ்

எண்:- 21-22 நாகப்பட்டினம் சிறப்பிதழ